蘭芳園 (已結業)

第一次寫食評。真係嬲到震!抵讚嘅都未得閒讚，諗唔到第一篇已經要駡!!是日去完澳門番過黎，見已經八點幾，決定食埋野先走。結果去左蘭芳園，第一次幫襯，諗住老字號試下。點知係惡夢開始。。。由我入去到坐低，我隱形左成分鐘。。。我見張枱好污糟，完全冇抹過，於是我好叫其中一個侍應: (我自問已經好有禮貌) 麻煩幫我抹下張枱吖。點知佢勁悔氣同我講: 得啦得啦! 等等啦~無奈。。。算! 到我諗到叫左個"豬肋骨撈丁" + 熱奶茶。叫左之後，我再叫另一個侍應幫我抹下張枱，同樣我都好平和叫佢我幫我抹，點知換黎同一反應。。。得啦! 轉頭啦~ 。。。轉頭。就轉左好多個頭。。。唉。。。我都冇氣再講。。。之後個麵黎到。。。所謂"撈丁"，我個人認為應該係"出前一丁"啦~ 但當我食左兩啖，我就好肯定唔係出前一丁，只係普通嘅大光麵囉!! 都算! 但佢個豬軟骨汁真係好咸，咸到我食左一半左右已經頂唔順!!之後，諗住杯熱奶茶可以好好咁嘆。。。點知繼續令人失望。。。杯奶茶又苦又澀，一啲奶味都冇!! 茶味又唔香! 真係唔明點解係招牌貨囉!!結果用左50蚊去買個教訓，提醒自己以後唔好再做傻仔!!總結: 服務差! 質素差! 仲要貨不對