Micasadeco & Cafe Hong Kong (已結業)

今日唔使排隊就黎諗住試下啦，點左個雜莓pancake，同我地講話等半個鐘就有得食咁就食啦，嘩！等了又等！最後等左一個鐘有多！真係等到我恰著左之後催左幾次先有！唔緊要！心諗如果好食既話都叫值得既！點知碟野一黎已經唔多似樣，聞落去唔香食落去唔滑，啲莓醬酸到過哂火，啲藍莓又酸到顛左，士多啤梨切粒都係酸既！完全唔值呢個價錢！！仲要等左咁耐食呢啲野！搞到心情都差哂！好啦唔緊要！我真心無打算要誇到黎寫評語，點知未返到屋企已經搞肚痛，要轉的士飛返屋企，肚屙！依家屙完先嬲到要係到劣評佢！我用openrice咁耐都未寫過評語，好同壞都未寫過！今次真係頂唔順！！！唔係錢問題唔係叫我地等半個鐘最後等左一個鐘有多要不停催先有既問題，而係搞咁耐都唔好食仲要肚痛肚屙！真係試過就知唔會再有下次！！係一定唔會！銅鑼灣果間幸福pancake 都係同佢唔知差唔多價錢咋！人地唔會咁難食囉好無，至少唔會肚屙！大家千萬唔好試呢間！錯哂！