肚餓了串燒烤焗專門店 (已結業)

同兩個朋友聚舊,揾間餐廳食飯,朋友提議食串燒,見Openrice有排名comment都唔錯就去試試,未上到去嘅時候朋友話冇晒位只有bar位我當時心諗三個都冇位,睇嚟一定好好食好爆.上到去一開門就知點解......舖頭裝修唔錯,不過做cafe適合d.坐位大概坐到四十人左右,坐低咗感覺真係好麻麻,坐位同枱都好細,我地三個對住碰牆坐...餐牌上嘅菜式其實唔算好有特色,其中見佢推薦鹽燒厚牛脷,$48問佢係一份定一串waiter話係一串$48,都好啦一場嚟到即管試吓,另外仲叫咗燒蒜蓉花甲,燒粟米,雞軟骨,羊柳粒等等......上菜都算快,傾咗陣就到.先嚟嘅係雞軟骨同羊柳粒串,份量好小,咬落冇乜味,另外兩個fd都覺得味道淡咗d全程要攞住樽鹽嚟食...跟住係青芥辣昆布條,味道ok但只有刀叉冇快子進食有d困難,然後就係餐廳推介嘅厚燒牛脷,同樣係好的色,好~試試係咪真係咁好食,結果係失望,同樣係冇乜味,其他都係差不多,細份,淡味,最後埋單擺低七舊之後就速速轉場.感覺好怪,唔係日式串燒味道,亦唔係川燒好多香料嗰種,只能夠講係味道好清嘅燒烤,總括嚟講唔抵食,唔會有下次...最後一行三人去咗佐敦食重慶燒平衡返個心理...