八幡屋涮涮鍋 (已結業)

今日中午就想打邊爐，黎開旺角記得朋友講過依間好抵，中午時間買一送一，仲要食足三個鐘，真係超正！澳洲M5和牛❤️和牛好鮮味呀，夠晒嫩澤，極之柔滑，淥完牛味出晒黎，肉質好好，有口感又有味道，仲要任食，真係食唔停！任食海鮮💙蟶子大隻得黎好鮮甜，海蝦都好新鮮，完全無雪味，蝦肉爽口又彈牙，螺肉都好彈牙，魷魚又煙煙韌韌，打邊爐道最岩！任食刺身💛全部刺身都好新鮮呀，希靈魚魚籽好爽脆，成塊都好鮮，帶子又大隻又嫩，赤蝦亦好綿好鮮，三文魚就超肥美，所有都好好食！任食串燒🧡串燒入面我最中意鹽燒多春魚，燒日本蕃薯仔，燒麻吉燒同焦糖菠蘿，多春魚夠晒多魚籽，亦都好肥，番薯仔就真係好清甜，麻吉燒煙煙韌韌，口感好得意，焦糖菠蘿亦都好甜好香，全部都新鮮即燒，爽！