利寶閣 (已結業)

今日中午行時代廣場shopping, 中午搵食就行咗去利舞臺上面果間利寶閣酒家午膳，唔使點等就有位！坐落開茶，點咗三樣點心同埋一個海鮮魚湯米粉（半份$68）點心有北菰棉花鶏XO醬煎腸粉，同埋十勝紅豆包！茶杯好靚！海鮮魚湯米缐，半份已經夠兩人食用，有蝦，花枝片，帶子，班塊，同娃娃菜配襯，魚湯味濃，海鮮配料也新鮮！這個棉花鷄鷄肉新鮮，魚肚大大塊吸收咗肉汁，變得味道可口，加上大大碟件頭，感覺抵食！XO醬煎腸粉，以石煱上桌，夠哂保溫，腸粉幼滑，以XO醬混和煎香，色香味也見水準，好好食！十勝紅豆包，表面平凡，但咬落紅豆餡十分可囗，加上夠熱，亦是水準製作！兩人食哂咁多點心同米粉，已經十分飽飽！