Getaway (已結業)

唔想係聖誕節同人逼，所以選擇聖誕後才同老婆慶祝，當然要搵一D有特色及高級少少的餐廳，當晚安排坐在類似山洞的位置，私隱度特別高，而周圍都佈置了花，感覺好浪漫；而佢哋有一個戶外露天位置，零舍開楊。菜式方面，東南亞fusion 為主，配搭都幾特別。北海道帶子海膽配三文魚籽，整體都好新鮮，海膽選擇了不太濃味款式，唔會搶走帶子嘅鮮味。紅蝦刺身配泰式酸辣醬，呢個配搭上紅蝦比平時泰式生蝦刺身更鮮甜。Earl Grey 芒果凍湯，上湯嘅時候加上煙霧效果，味道配搭有層次感，淡淡茶味加唔會太甜的芒果湯，似飲凍奶茶。冬陰功湯配蜆肉脆米粒，冬陰功湯底夠正宗。巨型河蝦芝士意粉，差啲仲以為係小龍蝦，都好少見咁大隻嘅河蝦，蝦肉新鮮及充滿蝦膏，好肥美。生菜包擺設精美，生菜外再加上墨西哥夾餅，幾fusion 亦幾夾。甜品亦都好有特色，椰子意大利軟芝士蛋糕配芒果肉，口感有少少似雪糕，唔會好甜，椰子味香濃。