壽司櫻 (已結業)

見到咁多好評，都滿懷希望去試佢嘅 lunch。一入到去，已經覺得有d唔對路，竟然得三枱客。有客人入去通常師傅都會打下招呼，但兩個師傅完全好似嬲左全世界咁，同客人完全冇眼神交流，好似未訓醒咁，亦都唔似壽司師傅。我同朋友坐 bar 枱，點左壽司十二貫，正常一定會問個客人有咩唔食，但師傅同侍應都冇問。之後我同侍應講我唔食wasabi, 佢就即刻同師傅講，但師傅完全冇望我，所以佢最終係誤會左以為係我朋友唔食 wasabi ，完全唔知想點。未試過二十分鐘食曬十二件壽司，個師傅超趕，我地放一件落口，佢又比一件我地，完全唔係人地坐係sushi bar 慢慢食個種。而且d魚係鯹架，個海膽同超市買個d壽司冇分別。整出黎嘅壽司簡直唔似專業師傅整嘅。而且個bar 枱旁放左一大盆疑似魚內臟同骨嘅野，我地一邊食一邊望住盆野，真係有d嘔心。未試過坐 sushi bar 食曬沙律、前菜、蒸蛋、十二貫壽司、湯、甜品，前後都冇食左一個小時。唔明點解會有咁多好評，點解出入咁大！未試過食壽司有咁差嘅體驗。