首先，店員態度麻麻。間舖細細間兩個侍應十分合理。但兩位完全當人係空氣，多次舉手示意想點菜都可以避開扮睇我唔到。 真係要大大聲講：唔該！先會應你一聲。
中年女侍應：全程黑面神，唔講以為自己得罪佢啲咩….點餐一臉悔氣，態度麻麻….間舖咁細其實都少客，全晚一滴水都無斟過，又唔俾水樽人！侍應無野做就企一邊吹水定唔知睇咩…問先有水飲。食飯途中問佢拎一拎牙簽咁小事都可以忘記咗…
後生眼鏡男侍應：搞笑擔當。OpenRice 訂座1蚊海鮮盤，懶有儀式感地倒醬汁落海鮮到當shake shake薯條咁款搖堆海鮮已經係搞笑。仲要跌咗隻蝦同青口落地下…..事後佢徒手拎返入去話換俾我….以為係成碟換過啦…就咁拎個碟仔擺返兩隻凍冰冰嘅蝦同青口嚟我都唔知係咪沖過水擺返落盤…侍應服務態度真係有待改善！
其次，食物與圖文不符。百零蚊嘅西餐cafe野食細碟其實都預咗。但68蚊甜品張圖都show個正常size嘅slice，我都expect正常size（我嘅正常係與差唔多定位嘅beans餐廳比較） 仲要INN afternoon tea都係其中一個熱門menu, 我諗甜品都有返咁上下質素吧。結果，手掌size真係令人失笑
唔止size,張圖嘅蛋糕樣同實物完全兩個樣，連我只係menu望過兩眼都記得完全唔同樣。寧願你就咁寫是日蛋糕叫人行出去望都好過同張圖完全兩個樣附上之後去APM 48蚊同樣巴斯克蛋糕正常size…最後，希望INN QC下呢間分店。menu已經比其他店較少，但店員與食物質素與此低下。埋單685,人均228嘅西餐廳都期望有返啲質素…成晚體驗較差，去茶餐廳鋸扒都好過入嚟做空氣….個人做咗空氣食物都似食咗空氣….裝修得如此堂皇，侍應及食物卻沒有相應嘅質素，真係浪費…如果大家打算試INN，建議去其他分店。
