更多
2020-11-16
559 瀏覽
睇wolipay見佢係黃店所以去試吓，擺低個袋喺佢地啲桶椅度就坐低嗌嘢食時啲態度都尚算正常，室內裝修都似地道韓式餐館（即係最簡陋嗰種地道），前小菜泡菜之類好快上咗嚟，但我地有兩個人佢淨係俾一份，算，因為佢可以refill諗住食完再叫佢fill過唔好煩佢，點知食完小菜，主菜仲未上得，咁就叫佢再幫我地添啲泡菜，叫完望住兩個南亞藉staff行咗十幾廿轉出出入入個廚房都無幫我地refill，以為佢太忙唔記得，我地叫另一位店員幫手，店員表示ok後，點知又係出出入入幾廿轉都無幫我地refill，以為佢地真係太忙啦，我就再出聲問可唔可以refill，又係應咗句ok就完全無反應，今次仲直情齋企喺度唔郁，直到主菜上咗，因為個主菜睇落色就好橙紅，鍋就大大個，但食落就完全無味，薯仔得一件，肉都算有六七件，蔥反而佔咗個窩嘅50%，食到一半咁我想要啲泡菜調味，我再叫佢地幫手refill，又係應ok但等好耐都無嚟，咁我就講咗句”其實佢地係咪永遠都唔會幫我地refill”，兩個staff聽到之後對望咗下，勁晦氣咁話”i will give you”，但當然最後都係無refill過啦。食完嗰盤好似好大盤但以蔥為主食材
食完嗰盤好似好大盤但以蔥為主食材嘅無味鍋，一擺低個碗，啲staff問都唔問食完未就走嚟收盤收爐，連我未飲完嗰半杯水都收埋，轉個頭就掉低張單要你即刻走，勁，成餐飯嘢就無乜落肚，但氣就大把，價錢唔算貴，但要俾咁嘅價錢買啲咁嘅服務態度就一定係貼錢買難受，出去埋單時專登同個老闆娘反映佢啲伙記態度勁差，點知個老闆娘好似見慣不怪咁，完全唔理我就直接收下位客錢。
其實店內又無文宣又無香港人伙記，憑乜嘢係黃店？就算真係黃店都唔係大晒，啲嘢食同服務水平都只配等執笠，如果鍾意食垃圾同埋俾人黑面趕走就去幫襯
ps 食完飯之後打開自己個袋，竟然有隻曱甴喺入面走咗出嚟，餐廳有幾乾淨自己衡量
張貼