汀汀烤活魚 (已結業)

之前見佢執左咁多間都覺得唔對路，但無諗過真係伏成到呢個程度，由一開叫煲已經開始聞到伏味，生既野食黎哂先，但個烤魚都可以仲未到，然後問個侍應，佢又唔係好在意咁，求其應下就算。.然後係啲碗碟，杯水可以見有層油係面，而且仲要其中一隻碗痴住咗上一家既野食，衛生程度認真麻麻地。.等左20分鐘，終於見到個煲有得食，烤魚質素麻麻，唔太新鮮，魚都有少少腥味，其他叫既野食都麻麻地，無乜地方真係讚得落手。.去到尾段覺得食得唔係好夠飽，所以叫左兩碟串燒，但等左成20分鐘都未到，之後我地都好有禮貌問個待應點解叫左未到，然後佢走左去廚房check完就無左件事，過程中無同我地講原因，之後我地見等左10分鐘都係無反應，之後去左問另一個態度好啲既待應，問佢係咪漏咗單如果係就算數，啲野食唔要了。之後佢話整緊要啲時候，五分鐘後應該有得食。.食完哂野，準備切蛋糕，我地事先比左切餅費50費，但個待應執枱係執到枱面仲有好多食物殘渣，最尾要我地自己清理好枱面先切蛋糕。.最後發現埋單都貴，人均差唔多成300幾蚊，食物質素中下，份量唔多，服務態度又欠佳，呢間野真係無下次。