牛摩 (荃灣千色匯I) (已結業)

朋友好想打邊爐，可惜四周嘅放題都要等好耐，行過見到呢間唔洗等位(其實四周都要等位，呢間唔使等應該知道伏咗)。唔講唔知原來個湯底係壽喜鍋，比清水濃少少。 牛肉我地唔多食所以揀最平，同街市買$28一pack 個啲差唔多。 豬肉鞋，件雞不得了，滾咗好耐入面都係紅，可想然知佢雪咗幾耐。 不過又出奇地冇雪味， 只係完全乜味都冇， 食麥樂雞好過。 出面自選嘅菜選擇好少 。 日本豆苗，日本娃娃菜，日本蘿蔔，羽衣甘藍，京蔥，韓國提子汁，罐裝汽水，movenpick 雪糕.... 呢啲全部都係冇嘅。 (我哋平時食開嗰間全部都有）加單落豬，等咗十分鐘都未嚟，問個侍應， 佢答我哋：係要等耐啲，廚房要刨完牛再刨豬。，啲嘢唔係即叫即有。 不過大家記住係限時90分鐘。嗰碟豬嚟到，真係「刨亅㗎，啲肉碎哂㗎。啲湯就快冇哂，嗰位男侍應只係望住個電話，見到我自己去拎湯都完全冇理過我。愈寫愈激氣，希望大家唔好中伏！90分鐘時間，大部份時間都在寫食評，同埋等碟豬！