泰屋 (已結業)

早已同女朋友在網上發現了一間價錢平既酒店泰國菜下午buttet，於是女朋友仔就係網上買了團購試食了。平野無好野又發生係我地既身上。當日到了目的地，由於進食時間係12點至2點半，時間其實好足夠，酒店經理安排了我地坐近窗口位在場每個服務員既待客服務係一流我同女朋友仔當然立即影下相留念同寫食評啦，發現。。。。食物種類好少囉，菠蘿炒飯，金邊粉，馬拉盞通菜，沙嗲串燒，雞翼等等。。。好多都無囉 今次中哂伏。。。食物質素啦:蟹餅:無味又凍既，春卷:就好好多，炸得金香可口。多春魚:好入味，係比較叫做好既。酸辣鳳爪:無味既，唔酸唔辣唔知佢想點，我最鍾意食既菜式質素咁差咖哩牛腩西蘭花:咖哩有少許辣，西蘭花同牛腩都好淋芋頭粟米露:勁好食既糖水，係必食既。冬蔭功湯:熱烘烘都幾辣但材料好多，雞肉，蝦球等等係落足料既至於甜品同生果都係款式少，但出奇地好食喎。椰汁西米糕，綠茶西米糕，朱古力毛士，奶凍都好正生果菠蘿同西瓜都好甜。