101台式休閒餐廳 (慈雲山中心)

中午約咗人食飯，諗住坐得舒服啲，嚟咗呢間食台灣野，地方好大，可以坐到好多人，唔使驚無位，見到好多學生哥嚟食飯。我係一個無辣不歡嘅人，嚟到呢度梗係食返個麻辣牛肉麵啦。

但佢嘅麻辣令我好失望，雖然我諗住小試牛刀叫個小辣食下先，但係佢完全冇辣味，我仲以為佢上錯咗俾我。我問職員佢隨口就叫我加枱面上面嘅辣椒醬，我心諗：唔係咁hea我下麻。

嚟到呢刻我已經對呢間餐廳冇任何期望，所以就加咗啲辣椒漿入去食就算。佢哋所謂既辣係完全唔香亦都唔麻，所以對於一個喜歡食辣嘅人來講真係極度失望，唔會再嚟呢間餐廳食。