路經見到呢間餐廳，見到好耐無食嘅新加坡菜，餐牌d食物都幾啱食，決定入去試下！
叫咗桔仔話梅水$36一杯
一飲完全唔係新加坡桔仔水嘅味道，甜到想喊，收得36蚊仲難食過我買支樽裝檸檬汁
串燒豬肉$68
收呢個價錢得4串都唔緊要，比d誠意大串小小吖，得中指咁大咁粗，收68蚊，不過算係最熱同最好食㗎啦
肉骨茶$118
如果正宗肉骨茶收呢個價絕對合理，佢d骨骨茶唔包飯，唔緊要，芽菜都無，用金菇代替😩仲要得幾條金菇，幾舊煲湯一字骨仔，幾舊開邊豆泡，上枱只係微暖，完全淡而無味，咁樣就叫肉骨茶？真係對唔住個呢個名
蝦麵$118
一上枱又係微暖嘅，完全無蝦味都算，嗰隻開邊蛋，係冰凍咁凍，點可以咁都比個客食㗎？？？
真係唔好當人未食過新加坡菜，唔要求你做到一樣味道，都起碼比番d誠意，食物要熱上，味道似番7成以上都好吖，真係無下次
