哥登堡餐廳

營業中

休息中

在學生時代已曾光顧過，多年後想懷緬一番，無得吃學生餐，唯有叫午餐。午後人不多，室內光線較暗，午餐有些特別，中西合璧，叫咗吉列石斑配粟米肉粒飯，想即粟米石斑配飯啩。又見飲品可選涼粉什果冰，好耐無飲了，好想飲吓呢！先上羅宋湯，很濃稠，亦都很鹹。主菜上枱，吉列石斑塊都很大件，但一拮下去，很硬。切開見到全是炸粉層，本已薄薄的，再加已有厚粉層，魚肉塊真是少得可憐，食落無味，又乾又柴，最後食咗少少便放棄了。唯一安慰是栗米肉粒飯還可頂少少肚。繼續有驚無喜，涼粉什果冰在我基本的認識是有花奶、刨冰的組合，但一見此杯冰，真有一刻呆住，心想係咁嘅咩？？？面前是一杯糖水+冰塊，又一次失望。