臺北棧 (荷李活道) (已結業)

食午飯時間打算去呢間台灣餐廳，平時見有好多人排隊食就諗住去試下啦，入到去等左幾分鐘就已經有位入座，係吧台位置，因為近門口，所以係有少少熱的。本身就想食牛肉麵見到佢有個推介的黑蒜香油牛肉湯麵，仲可以選刀削麵，見佢成$92仲未加一，都係試下睇下性價比如何啦。等既時間唔係耐，待應就攞左碗黑色湯既野上黎。賣相都係咁上下，不過個湯就稀稀地。飲一啖。。伏伏伏。。。完全係油，有味既油，質地同味道又冇d濃湯咁，感覺就係公仔麵湯加重蒜味既油。另外雖然碗麵冇煙，但食落既麵係好熱，就好似食煲滾的粥一樣，好易淥到條唎，又或者d油根本太多令到d熱走唔到，食每一口麵都要小心翼翼。麵既質地係ok的，但實在係太油，食唔到下去。而肉係牛𦟌既半根肉，味道一般正常，但只有4,5片，餸既分量就算少左d。總括來說，冇下次。