影片
更多
2013-07-16
18 瀏覽
呢輪d friend好多都好有興致寫食評，有d仲寫到成為卓越食家，自問識食既我決定都開始寫我既第一篇……上星期四晚同老死喺旺角百老匯睇完戲，散場出黎搵宵夜食，見到呢間串燒店喺行人街個巨型易拉架寫住宵夜85折，就同老死去試試。原來佢就喺白布街間萬發食館轉彎，上個月同friend食萬發都冇望到轉彎開左間新食肆，佢個橙色門口極其搶眼，如果行過染布房街都好難見唔到。本來諗住佢都應該係嗰d得十幾個位既細鋪，但真實原來比想象中大，係坐到幾十人個隻，門口仲有露天大排檔位，但我同老死都唔食煙，就揀左坐室內，好彩室內仲有最後一張兩人枱。有surprise既係作為地鋪佢算係唔孤寒，座位算好濶落，唔似一般串燒鋪咁通常好迫夾，餸都唔夠位擺咁。坐定點餐，佢喺用剔食物紙嗰隻，附帶一本彩圖menu作參考。我地兩個人總共order左8樣野，希望唔算係大食啦...揀左d傳統串燒必點食物，又試左兩三味創意菜。首先上既係沙茶醬燒金菇，呢味有驚喜，錫紙包住上，一打開噴晒煙，燒得夠熱但仲好juicy，份量應該有一整包金菇，沙茶醬唔似一般火鍋店嗰種，應該係有調製過，幾惹味。跟住係秘製醬燒雞中翼，呢味正常質素，幾有味雞翼亦尚算大隻
呢輪d friend好多都好有興致寫食評，有d仲寫到成為卓越食家，自問識食既我決定都開始寫我既第一篇……
上星期四晚同老死喺旺角百老匯睇完戲，散場出黎搵宵夜食，見到呢間串燒店喺行人街個巨型易拉架寫住宵夜85折，就同老死去試試。
原來佢就喺白布街間萬發食館轉彎，上個月同friend食萬發都冇望到轉彎開左間新食肆，佢個橙色門口極其搶眼，如果行過染布房街都好難見唔到。
本來諗住佢都應該係嗰d得十幾個位既細鋪，但真實原來比想象中大，係坐到幾十人個隻，門口仲有露天大排檔位，但我同老死都唔食煙，就揀左坐室內，好彩室內仲有最後一張兩人枱。有surprise既係作為地鋪佢算係唔孤寒，座位算好濶落，唔似一般串燒鋪咁通常好迫夾，餸都唔夠位擺咁。
坐定點餐，佢喺用剔食物紙嗰隻，附帶一本彩圖menu作參考。我地兩個人總共order左8樣野，希望唔算係大食啦...
揀左d傳統串燒必點食物，又試左兩三味創意菜。
首先上既係沙茶醬燒金菇，呢味有驚喜，錫紙包住上，一打開噴晒煙，燒得夠熱但仲好juicy，份量應該有一整包金菇，沙茶醬唔似一般火鍋店嗰種，應該係有調製過，幾惹味。跟住係秘製醬燒雞中翼，呢味正常質素，幾有味雞翼亦尚算大隻啖啖肉，但略嫌可燒得個面再香口d。
生燒原條茄子，茄子略嫌可以再肥美d，但優點係燒得好透徹，茄肉一撕即斷，蒜蓉亦好惹味。
燒一口港式魷魚片呢味幾特別，似係嗰種零食鋪放入微波爐焗到好香兼辣辣地嗰隻，攞黎送啤酒一流。
果jam釀牛丸呢個係佢地主推既創意菜，挖空牛丸加士多啤梨果jam，但我都唔知究竟佢係燒完先挖再落果jam，定係一開始就左果jam再燒，因為上枱時係連d果jam都係熱既，呢個配搭出奇地夾，有嗰種橙花骨既感覺，水果味配肉類永遠令人感覺清新。
芝士蒜蓉燒生蠔另一道創意菜，平時芝士蠔同蒜蓉蠔通常分開食，但夾埋一齊原來好match，蒜蓉令到芝士冇咁流，相反芝士又帶出蒜蓉既香。
棉花糖夾餅呢樣甜品會係令我想再黎既原因，因為第二度食唔到，燒到個面金黃色脆脆地再夾喺梳打餅度，又出奇地夾，如果佢可以直情好似我地bbq咁用叉串住三粒棉花糖燒就仲過癮。
兩個人埋單連飲品$256，冇加一，八五折左我覺得算幾抵食，始終我地有叫左隻生蠔呢。
我個人認為一間食肆係好難做到每一味餸都好出色，但要令人記得，就必須有三兩樣撚手招牌特色菜令人一試難忘，咁先有機會令我再記得去食，呢間安安燒都算做到呢點，希望佢可以keep住個standard，同推出多d新菜式，始終好多時新鋪都係做得比較有誠意，但重點係之後都要keep得到先得。張貼
