鴻星中菜 (已結業)

我都有去鴻星食聖誕餐，覺得ok 喎！我和朋友點了$268 的聖誕套餐，頭盤的煙鱔好好味，個翅都有幾多料，跟住個蝸牛酥皮盒，我覺得好正，並不如以下那位先生所說的硬，而是脆啊！而且也很新鮮，如果係腍既話先難食！雖然個魚扒係硬左d，但係之後既蝦都ok，而個通粉亦並不是酸到入唔到口咁誇張！最正係甜品，係焗西米布甸，好好味，不過唔係幾夠熱，最正的就係佢地送多碗糖水畀我地食，係馬蹄沙，好清甜！d侍應服務唔錯，有求必應，所以雖然個餐係貴左少少，但我以後都會再幫襯。