影片
更多
2017-07-09
57 瀏覽
是咁的~今日黎到荃灣同女朋友仔拍拖 咁就梗係要試下一直都想試嘅咖啡灣~~我地講好左要早d行過去嫁 因為呢間出左名一定好多人等位 咁原本諗住六半黎到但因為夾公仔耐左 行過黎又落大雨 所以黎到都就黎七點 離遠都見到有十個八個等緊位 不過我同我女朋友兩個人等左唔夠十分鐘都已經入得！唔知係咪因為出左名 所以好多人食 職員會講明只有個半鐘嘅用餐時間 咁我地都OK嘅 只要你上菜快 我早d走等你做多d生意都冇問題嘅睇完menu之後 決定叫一個湯一杯朱古力 一份沙律 一份意粉 同一份Waffle慶祝下我女朋友仔加人工唔係講笑 呢個湯真係要試 雖然睇落細細碗都要~30蚊 但佢個味道完全係話你知咩叫物超所值簡單一道磨菇湯原來可以整到咁好味 飲落係有texture 磨菇打得好碎但唔會碎到缺乏口感 而且整個湯果陣應該有加洋蔥之類嘅配料令個層次提升 味道更加香 香草同黑胡椒份量啱啱好 唔會喧賓奪主但有畫龍點睛嘅效果 係我暫時飲過最好飲嗨磨菇湯凍朱古力水準都好高 朱古力味濃 唔會得個甜字 係好香嘅朱古力味咁當然啦慢慢飲落去會因為冰溶左就會溝淡左 但呢個係非戰之罪炸軟殼蟹沙律炸軟殼蟹簡直就係呢到嘅靈魂 我覺得咖啡灣
我地講好左要早d行過去嫁 因為呢間出左名一定好多人等位 咁原本諗住六半黎到但因為夾公仔耐左 行過黎又落大雨 所以黎到都就黎七點 離遠都見到有十個八個等緊位 不過我同我女朋友兩個人等左唔夠十分鐘都已經入得！
唔知係咪因為出左名 所以好多人食 職員會講明只有個半鐘嘅用餐時間 咁我地都OK嘅 只要你上菜快 我早d走等你做多d生意都冇問題嘅睇完menu之後 決定叫一個湯一杯朱古力 一份沙律 一份意粉 同一份Waffle慶祝下我女朋友仔加人工
唔係講笑 呢個湯真係要試 雖然睇落細細碗都要~30蚊 但佢個味道完全係話你知咩叫物超所值簡單一道磨菇湯原來可以整到咁好味 飲落係有texture 磨菇打得好碎但唔會碎到缺乏口感 而且整個湯果陣應該有加洋蔥之類嘅配料令個層次提升 味道更加香 香草同黑胡椒份量啱啱好 唔會喧賓奪主但有畫龍點睛嘅效果 係我暫時飲過最好飲嗨磨菇湯
凍朱古力水準都好高 朱古力味濃 唔會得個甜字 係好香嘅朱古力味咁當然啦慢慢飲落去會因為冰溶左就會溝淡左 但呢個係非戰之罪
炸軟殼蟹沙律炸軟殼蟹簡直就係呢到嘅靈魂 我覺得咖啡灣嘅鎮店之寶第一係門口嘅天鵝第二就係炸軟殼蟹 直頭係icon黎點解咁講？佢個炸軟殼蟹即叫即炸 所以上碟時仲係熱辣辣 夠熱係炸物好唔好食嘅一樣好重要因素 炸軟殼蟹係一樣好特別嘅菜式 軟殼蟹質地淋身 炸左會令佢脆 但如果炸完擺左陣嘅佢就好快吸收番空氣嘅水份 會處於唔淋唔脆一個好尷尬嘅狀態 亦係炸軟殼蟹最唔好食嘅時候所以呢到嘅軟殼蟹你一哎 你就知咩事 就知咩係誠意除左脆口 軟殼蟹本身都好新鮮 炸左嘅蟹蓋竟然有蟹黃流出黎 好香嘅蟹黃蟹膏配合埋清新嘅沙律 香而不膩 正而且食到起蟹身蟹鉗嘅時候我仲係到殼入面蛋肉嘅鮮甜 蟹肉嘅口感仲依然喺到 証明佢用料真係好新鮮
（PS軟殼蟹冇左右邊蟹鉗呀 可能佢打交甩左啦）
呢個係溫泉蛋卡邦尼意粉 呢個都好食 但又未去到一鳴驚人果個地步 醬汁夠多而且仲有蛋汁可以撈勻喺每條意粉上面 煙肉磨菇份量亦好足 所以呢個卡邦尼都唔會差而且成碟份量都合理 價錢都係7 80蚊到
香蕉朱古力窩夫 我女朋友係好鐘意食Waffle所以見到呢到有又點會唔食呢不過呢到嘅Waffle亦都係一個中上嘅水平 唔係去到點樣特別好食好犀利咁 份量大 Waffle外脆內軟 唔會淋曬 而且仲有一球雪糕 個人覺得已經唔錯 大家都可以一試嘅
總括黎講 咖啡灣我一定會番兜 因為呢到食物質素高 價錢都合理 上面咁多野都係350蚊 軟殼蟹係必食 我下次會食軟殼蟹意粉
張貼
