影片
更多
2023-07-17
76 瀏覽
🌟餐廳：泰斗📍地址：元朗大樹下東路大旗嶺村633號地下💰價位：～$200 - $400⏰營業時間：星期一至日 12:00 - 22:00 / 公眾假期及前夕 00:00 - 23:00📱電話：23366 711朋友仔知我鍾意食泰菜，今日就特登約我入元朗，試下呢間世外桃源既新派泰式餐廳 - 「泰斗」，餐廳佔地超大，地方夠哂開揚，空間感十足~———————————————————🔹燒牛肉沙律色彩繽紛而且大大碟~上層既燒牛肉好厚身而且牛味濃郁，帶點牛脂香，入口juicy充滿肉汁，好出色~下層既泰式沙律以青瓜、蘿蔔絲及洋蔥為主，配合微微酸辣既泰式醬汁，食起黎清新開胃又惹味~———————————————————🔹小食拼盤(細)包羅萬有，性價比十足既小食拼盤~有齊泰式雞卷、魚餅、蝦餅及粉絲皮春卷，好豐富呢~我最鍾意蝦餅同粉絲皮春卷。蝦餅既蝦膠彈牙，咬落仲食到粒粒蝦肉，最重要係熱辣辣，必試！粉絲皮春卷外層金黃香脆，餡料有豬肉及粉絲等材料，好飽滿，配以泰式甜辣醬一齊食就更滋味~———————————————————🔹馬莎文咖哩牛坑腩配薄餅賣相及擺盤夠哂別緻，甚具泰國特色~紅咖哩牛坑腩用料出色，牛坑腩
📍地址：元朗大樹下東路大旗嶺村633號地下
💰價位：～$200 - $400
⏰營業時間：星期一至日 12:00 - 22:00 / 公眾假期及前夕 00:00 - 23:00
📱電話：23366 711
朋友仔知我鍾意食泰菜，今日就特登約我入元朗，試下呢間世外桃源既新派泰式餐廳 - 「泰斗」，餐廳佔地超大，地方夠哂開揚，空間感十足~
———————————————————
🔹燒牛肉沙律
色彩繽紛而且大大碟~上層既燒牛肉好厚身而且牛味濃郁，帶點牛脂香，入口juicy充滿肉汁，好出色~下層既泰式沙律以青瓜、蘿蔔絲及洋蔥為主，配合微微酸辣既泰式醬汁，食起黎清新開胃又惹味~
———————————————————
🔹小食拼盤(細)
包羅萬有，性價比十足既小食拼盤~有齊泰式雞卷、魚餅、蝦餅及粉絲皮春卷，好豐富呢~
我最鍾意蝦餅同粉絲皮春卷。蝦餅既蝦膠彈牙，咬落仲食到粒粒蝦肉，最重要係熱辣辣，必試！粉絲皮春卷外層金黃香脆，餡料有豬肉及粉絲等材料，好飽滿，配以泰式甜辣醬一齊食就更滋味~
———————————————————
🔹馬莎文咖哩牛坑腩配薄餅
賣相及擺盤夠哂別緻，甚具泰國特色~紅咖哩牛坑腩用料出色，牛坑腩炆至軟淋入味，仲配埋骨膠原十足既牛筋及粉糯既薯仔，大推~當然唔少得香口煙韌既泰式薄餅，點埋啖啖椰香味而且微微辣既紅咖哩醬汁，簡直係perfect match！
———————————————————
🔹粉絲雜菜煲 (馬拉盞風味)
食泰菜必點既菜式~呢款以馬拉盞風味炒制粉絲雜菜煲夠哂鑊氣，特別用砂鍋呈上，份外香噴噴熱辣辣~材料豐富，有齊芥蘭苗、椰菜花、西蘭花、椰菜及雜菇等等，當然唔得索汁既粉絲，粉絲索盡泰式香料既精華，超惹味！令人食過不停！！
———————————————————
🔹椰青糕
有驚喜既泰式甜品~大大件而且真材實料~用上椰青水及椰青肉制作，食落清甜又清新，解膩一流，必試~
———————————————————
🔹椰青 及 青檸梳打
食泰菜點少得叫返d泰式特色飲品~呢度提供既椰青超大個，椰青水清爽解渴；而青檸梳打夠清新，更用上泰式梳打水調制，飲落gur gur 聲好爽！
———————————————————
😋味道：4/5
🏢環境：4.5/5
💁🏻♀️服務：4/5
💵價錢：4/5
🤟🏻性價比：4/5
———————————————————
👅整體小總結
餐廳既設計及裝修好有泰國渡假feel，用餐氛圍舒適寫意，佔地逾10,000平方尺，而室外露天茶座更係pet friendly zone，岩哂帶埋主人落黎一齊chill下~
食物方面主打新派泰國菜及芭堤雅燒烤，菜式高質而且性價比十足，又夠多款式，抵讚~
張貼
