膠得喜 (已結業)

咁啱要去佐敦附近做嘢，行過見到呢一間食花膠產品嘅餐廳，咁就坐低食咗個lunch先。呢度嘅lunch set每一款都有花膠喺入面，而且lunch係會送埋一碗花膠湯。今日我就揀咗花膠咖喱牛腩飯，而朋友就揀咗花膠肉燥雞扒飯。花膠湯係標榜冇味精，雖然送嘅呢一碗你見唔到有花膠喺入面，但係你都飲得出碗湯係用花膠嚟煲，飲完唔口渴。個花膠咖喱牛腩飯嘅牛腩分量好多，咖喱係普通嘅中式咖喱，唔太辣。而且一碟飯入面有兩舊花膠，雖然食落唔係好厚身，但係識落都感覺到佢啲膠質同埋有少少漿口。花膠肉燥雞扒飯啲花膠就係碎上，朋友話整體都唔錯。而且塊雞扒都真係幾大塊。