金滿庭京川滬菜館 (時代廣場) (已結業)

噚晚一行三人喺銅鑼灣唔知搵咩食，因為其它食店食得太多有啲悶，就咁去咗時代食通天金滿庭試試菜啦！點咗燻蛋、紅油炒手、擔擔麵、榨菜肉末跟义子燒餅、小籠包及五味拼盆（素鵝、海浙、白肉、怪味雞、鎮江肴肉）。燻蛋：好好味！紅油炒手：唔係我飛弗所以覺得一般，其他人就話好食。擔擔麵：OK！起碼啲麵算爽口。榨菜肉末跟义子燒餅：網友推介必食，幾好！小籠包：比想像中差少少，不過啲皮都算係好薄，湯汁算多，都合格！五味拼盆：素鵝、海浙、白肉、怪味雞、鎮江肴肉，樣樣都幾好食，算係抵食夾大件之選，人多最好叫呢個，因為十幾廿樣冷盤揀五款算係有選擇。招呼唔差，啲伙記反應幾快，最多等一陣就返轉頭應你。千祈唔好怕搭枱，因為張枱都幾大張，張枱坐滿之後都唔覺得迫。最後都食埋甜品高力豆沙、杏仁豆腐、薑汁湯圓（花生）都值得食，埋單每人都唔洗200蚊，算抵食。