影片
更多
2017-10-12
16 瀏覽
呢排食左好多火鍋、燒烤，約左朋友食飯，因為諗唔到食乜，所以建議佢去左呢間我之前都去過嘅韓國野。由於朋友喺佐敦附近收工，所以約又喺尖沙咀厚福街度食，揀左呢間韓國野，貪佢人流唔多，大家聚個舊都方便啲。我地四個人都唔係點左好多野，都係炸雞、部隊鍋、炒年糕同薯條已經夠食喇。1)炸雞我地揀左【大蒜豉油炸雞】，講真蒜味就唔係好重囉，豉油味都唔係話好重，帶甜，咁都好嘅，唔會太鹹囉。雞肉都幾嫩滑，咬落仲有啲汁，唔會話乾爭爭。而且新鮮熱辣，每人大約食得兩件多啲啦，多都食唔到，因為會覺得漏。2)卡邦尼炒年糕其實都幾好食，芝士味唔會太濃，加左啲年糕、煙肉、洋蔥等配料，預期之中嘅卡邦尼味，其實幾好食。3)泡菜薯條：新鮮炸起，配上泡菜忌廉，個泡菜味就唔係話好勁，如果再強啲，可能仲會覺得特別啲。4)部隊鍋：都唔洗多介紹啦，都係腸仔、餐肉、洋蔥、麵、金菇菜等等呢啲基本野，整體夠酸辣的話，一般韓國餐廳都唔會整得難食。不過當日就特別，因為韓國麵賣哂，結果換左一隻比較粗身，類似刀削麵咁嘅物體，因為平時我都有喺759買開呢種麵，所以覺得好似。始終都係覺得部隊鍋配番傳統韓國拉麵會好食啲。飲品方面叫左幾杯天空奶昔，其實味道都幾
由於朋友喺佐敦附近收工，所以約又喺尖沙咀厚福街度食，揀左呢間韓國野，貪佢人流唔多，大家聚個舊都方便啲。
我地四個人都唔係點左好多野，都係炸雞、部隊鍋、炒年糕同薯條已經夠食喇。
1)炸雞我地揀左【大蒜豉油炸雞】，講真蒜味就唔係好重囉，豉油味都唔係話好重，帶甜，咁都好嘅，唔會太鹹囉。
雞肉都幾嫩滑，咬落仲有啲汁，唔會話乾爭爭。而且新鮮熱辣，每人大約食得兩件多啲啦，多都食唔到，因為會覺得漏。
2)卡邦尼炒年糕其實都幾好食，芝士味唔會太濃，加左啲年糕、煙肉、洋蔥等配料，預期之中嘅卡邦尼味，其實幾好食。
3)泡菜薯條：新鮮炸起，配上泡菜忌廉，個泡菜味就唔係話好勁，如果再強啲，可能仲會覺得特別啲。
4)部隊鍋：都唔洗多介紹啦，都係腸仔、餐肉、洋蔥、麵、金菇菜等等呢啲基本野，整體夠酸辣的話，一般韓國餐廳都唔會整得難食。
不過當日就特別，因為韓國麵賣哂，結果換左一隻比較粗身，類似刀削麵咁嘅物體，因為平時我都有喺759買開呢種麵，所以覺得好似。
始終都係覺得部隊鍋配番傳統韓國拉麵會好食啲。
飲品方面叫左幾杯天空奶昔，其實味道都幾清新，都係yogurt嘅味道，唔會差得去邊。
另外我就點左杯士多啤梨香蕉椰子製成嘅奶昔，我反而覺得幾正，士多啤梨酸酸地，再加埋熟哂嘅香蕉，用椰子溝埋，又香又甜。
人均二百蚊，坐左兩三個鐘頭吹下水都唔錯啦，服務都ok，雖然只有一個店員。
一般韓國野都唔會話性價比高得去邊架喇，呢度都可以接受啦，朋友都覺得唔錯，起碼咁耐冇見都冇話我介紹錯餐廳。
張貼
