小火焰韓式咖啡廳 (金山樓) (已結業)

今日 同朋友行去大圍呢一頭，因為佢話要睇樓 ，咁見 差唔多時候 就係呢附近食，見到呢一間餐廳係之前喺觀塘食嗰間分店喎，咁就試下， 因為係快食，所以我哋叫咗一個飯同一個粉絲。辣炒豬肉蓋飯 包括有紅椒、翠玉瓜、同豬肉紫菜， 咁其實個豬肉我都幾欣賞，因為個豬肉係半肥瘦幾juicy，而且佢整嘅汁亦都幾好食，但我覺得都唔算太辣，算幾多的紫菜撈埋飯食感覺幾好。 自己覺得唔需要點嗰醬汁 ，因為其實係飯裏面醬都已經足夠。野菜炒粉絲: 有冬菇、椰菜紅椒、翠玉瓜， 咁其實呢個都幾清（冇肉)，因為我朋友唔係太想食肉，得佢食過粉絲，咁其實我試過呢個粉絲，其實炒得真係唔差，不過我覺得佢炒得都算係濃味，而且亦都好多椰菜喺度所以食落去就感覺健康，底下佢有D醬汁我覺得有少少似豉油， 但當然唔鍾意食肉嘅朋友可以試下。最後如果大家鍾意試下韓國嘢嘅話，可以試下呢間韓國餐廳，因為我覺得佢個水準都唔差的。