白鮨 (林肯大廈) (已結業)

嚟呢度食係慶祝我地第N次嘅拍拖紀念日首先推介嘅係佢地個wasabi味嘅cocktail. 鍾意wasabi嘅人一定鍾意呢杯飲品，好重wasabi味，但又唔會太辣，個味好得意，飲完一啖會再想飲第二啖。酒精濃度唔算好高，好適合女仔飲。第二推介係水晶壽司。雖然個層所謂水晶其實只係啫喱，但食落同壽司都幾夾，有啲甜味，配合壽司飯個香甜味道，令到口感更豐富，更有層次。我地叫咗個水晶壽司拼盤，可以試晒六個味道。今晚主菜係龍蝦鰻魚飯定食。好足料，龍蝦肉好新鮮，啖啖肉。鰻魚燒得好好，好香，唔會太韌。除咗食物，呢度嘅waitress服務態度都好好，令到我地有一個開心愉快嘅晚餐。