風月堂 (已結業)

以前風月堂未搬之前真係不得了，勁多人等位，不過搬左黎旺中就此情不再，少人左好多，唔知係咪啲人唔知搬左黎呢度，次次我黎都零等位，如果我係老細真係見財化水，悔不當初。講返食物，其實水準都keep到，點左一個意大利海鮮燴飯，朋友喜歡它是茄汁底，酸酸甜甜很開胃，飯不太淋不太硬，加入洋蔥粒一齊炒，很香口，口感亦不錯，但叫價$198就有點貴，海鮮只得一隻蝦，一隻青口，帶子同魚塊，未免太小家。反而甜品有驚喜，點左個芒果香蕉卷配雪糕，份量很足，芒果肉鮮甜帶酸，香蕉味香，加上甜甜既cream 真係酸酸甜甜食得不停口，吸引！