茶木‧台式休閒餐廳 (MegaBox) (已結業)

人在九龍灣上班，雖然餐廳選擇的數量都算過得去，但有一樣野係岩岩缺少左的，就係粥。所以自從得知茶木係有供應蠔仔肉碎泡飯之後，每逢個人想食Ｄ熱野或者湯湯水水嘅野，雙腳就會自動帶人走到來。這裡的蠔仔肉碎泡飯不便宜，要差不多$80一人份，但溫度夠，湯多，料足。先飲一啖湯，是濃鮮再有胡椒的味道。蠔仔俾嘅份量多，處理得乾淨唔腥，份量多到幾乎都食唔哂，加再上炒香的蝦米，魷魚乾，肉碎，算係好唔錯的。另外有時都會再加小食，有一次意外叫左一客豆豉炒白苦瓜。一向都唔食苦瓜嘅我，都食左半碟。可能佢用左白苦瓜（貴價野），炒出黎嘅效果係同台灣食到嘅好接近，有驚喜！！