影片
更多
2021-10-03
148 瀏覽
國慶的第二日假期，亦都係政府發放消費券第二期的第二日，感覺商場人流多了不少，尤其係將軍澳廣場。本身在openrice訂了另一間餐廳，不過行到去見到又唔覺得唔太啱心水。於是同女朋友轉場，響附近兜兜搵搵，見到呢間巷仔見麵館。如果你只係留意呢間店的店名，以為佢只係賣粉麵，咁你又實在睇得太表面。俾在我自己一個人去行，睇到呢D店名，多數都只會遠觀望望，跟住就走人。因為見到店門口排哂長龍，嗰陣都係星期六晚的七點半，所以就望下間店究竟有D咩野吸引地方。等左三至四檯，用左15分鐘時間等候。一睇餐牌就知龍與鳳。哦，原來係冰鎮咕嚕肉呢。餐牌入邊有巷仔十寶，冰鎮咕嚕肉係其中之一，因為我本身不住呢區，又見到呢D菜式，所以反而有D興趣試下，女朋友又話下個禮拜同同事去食冰鎮咕嚕肉(另一間)，就更加要去試下。環視店舖，睇到最多人叫的係煲仔飯，嗰個咩櫻花蝦煲仔飯售罄了。好，我地點左三個菜，冰鎮咕嚕肉、菠蘿咖哩牛腩同糖醋炒麵。咕嚕肉口感冰涼酥脆，不像其他咕嚕肉咁一口炸粉，反而肉質實在，而且每個咕嚕肉都做到一個球狀咁，大細統一，食到欲罷不能。糖醋炒麵酸味味，麵身乾脆，不過食到拉尾醬汁太多，酸得滯。菠蘿咖哩牛腩除左賣相吸引
如果你只係留意呢間店的店名，以為佢只係賣粉麵，咁你又實在睇得太表面。俾在我自己一個人去行，睇到呢D店名，多數都只會遠觀望望，跟住就走人。因為見到店門口排哂長龍，嗰陣都係星期六晚的七點半，所以就望下間店究竟有D咩野吸引地方。等左三至四檯，用左15分鐘時間等候。
一睇餐牌就知龍與鳳。哦，原來係冰鎮咕嚕肉呢。餐牌入邊有巷仔十寶，冰鎮咕嚕肉係其中之一，因為我本身不住呢區，又見到呢D菜式，所以反而有D興趣試下，女朋友又話下個禮拜同同事去食冰鎮咕嚕肉(另一間)，就更加要去試下。環視店舖，睇到最多人叫的係煲仔飯，嗰個咩櫻花蝦煲仔飯售罄了。
好，我地點左三個菜，冰鎮咕嚕肉、菠蘿咖哩牛腩同糖醋炒麵。咕嚕肉口感冰涼酥脆，不像其他咕嚕肉咁一口炸粉，反而肉質實在，而且每個咕嚕肉都做到一個球狀咁，大細統一，食到欲罷不能。糖醋炒麵酸味味，麵身乾脆，不過食到拉尾醬汁太多，酸得滯。菠蘿咖哩牛腩除左賣相吸引，盛盤放了乾冰，味道都係中規中矩，食到最後，主角菠蘿先出現。
估你唔到就係呢間粵菜居然仲有中式傳統甜品同埋類近台韓式的刨冰，可以係都幾多元化。我同女朋友點左個蜜瓜牛奶冰，刨冰口感綿綿，面頭的蜜瓜足料，最頂的牛奶雪糕香滑。
7 瀏覽
0 讚好
0 留言
冰鎮奶茶
2 瀏覽
0 讚好
0 留言
蜜瓜牛奶冰
15 瀏覽
0 讚好
0 留言
張貼
