昭拍耶

好幾年前去過昭柏耶，印象十分好，食物美味，價廉物美。今次去九龍城再食泰菜就想搵番尼間食，發現佢在南角道開左分店，今次我地去原店食，感覺鋪頭光左，乾淨企理。我地去時仲係6點，未有太多顧客，唔駛等位就可入座。

我地兩個人叫左原隻豬手、拼盤、豬肉咖哩加白飯。印象中之前食既豬手係有切片，今次係整隻豬手上，比較難分，味道十分好，多汁唔咸好入味，外皮軟綿綿好鬆化，食左半塊已飽飽地。

豬肉咖哩配白飯好正，佢既咖哩好香，唔太辣，因為尼個咖哩我再叫多碗白飯，太好食啦，👍🏼👍🏼推介。

反而拼盤一般般，炸蝦炸魚，其實幾普通，不過佢個醬好食，酸酸甜甜少少辣，兩個人差點清唔哂成盤拼盤，其實一個人食左幾塊炸野都夠飽了。

見到兩枱叫南瓜咖哩軟殻蟹時先醒起尼個係好食，上次都有叫，好好食，今次忘記左叫，等我地下次再來食😋