666泰船麵 (德輔道西) (已結業)

星期五去左西環搵食....今次試下呢間泰船麵, 舖頭細細, 座位唔多, 好彩6點去到, 所以唔算多人!! 佢D船麵或者飯類, 都分左兩個唔同o既size, 一個係泰地道size =〉即係mini size; 而另一個係港式size => 即係normal 份量.......我地因為想試多D野, 所以叫左個牛肉船金邊粉 (mini size) + 海南雞飯 (mini size) + 泰式手工炸蝦餅 + 豬頸肉串燒 + 一杯香芒椰果 + 一杯石榴特飲先黎個海南雞飯, d雞OK 既, 但個飯比較濕+爛, 同埋個mini size真係好細碗呀.....整體個飯就麻麻地!! 反而個船麵比較有驚喜, 細碗得黎又幾好味wor, 湯底幾好  個炸蝦餅&豬頸肉串燒仲正, 即叫即整, 好味道!! 推介  野飲可以唔洗叫, 我原本諗住佢係即整, 點知原來係樽裝飲品, 仲要係難飲果隻 杯香芒椰果還可以接受, 但杯石榴特飲就真係好藥水味舖頭細細, 樓面得一個女仔做, 落單、埋單、執野咩都係佢一腳踢, 所以做到無咩表情,  無服務態度可言.