青悅 (已結業)

同同事放工已經兩點好餓，就去青衣城搵食，兜左個圈都未揀到，一眼見呢間青悅有位，同事又想食泰國菜，就入去食啦！我叫左個法式牛柳粒炒紅飯，牛柳軟熟不奀，醬汁幾濃味，不過都無蓋到肉既味道，又大碟又好味！同事叫左個河內蕃茄蟹肉湯檬，睇落賣相幾好，佢話個味幾濃，幾好食！另一個同事叫呢一款海鮮炒河，Ｄ料都幾足，有帶子，蝦等，河粉濕濕地好嫩滑，幾有鑊氣！然後仲有呢款越南大蝦炒粉絲，都係好大碟，Ｄ粉絲好有口感，同事食得津津有味！