花宵 (已結業)

最鍾意食日本菜。放假梗係要去食返餐。喺銅鑼灣行完街就搵間日本菜食，一坐低就有熱茶，揀咗少少刺身壽司🍣揀咗我最鍾意嘅油甘魚同吞拿魚刺身。刺身拼盤擺盤幾靚，而且刺身新鮮。是日有水八爪魚好新鮮，我哋就叫咗。水八爪魚超級白，點酸汁食。壽司燒銀鱈魚口感有入口即溶之感覺。燒左口魚壽司都係一樣肥美，佢配有紫菜包住食。再揀咗少少串燒。牛舌係必點，爽口。免治雞串大大串，入面口感有雞軟骨，爽爽地，點埋生蛋食好滑！豬肉串夠林，燒得好！仲叫咗啲燒海鮮。一隻燒鮑魚、6隻燒蜆。鍾意食燒鮑魚新鮮彈牙，蜆又鮮甜。食物質素幾好！