一鳴燒 (已結業)

今日喺銅鑼灣放工之後同朋友去咗呢間居酒屋食晚飯。入面個餐牌選擇唔算好多，已串燒為主，基本上冇刺身食嘅。我同朋友叫咗一個鰻魚炒飯、一份餃子雞翼、一份凍食嘅辣酒煮螺、一份免冶雞肉串、一份燒粟米、一份金菇肥牛卷。咁多樣嘢食最深刻嘅就係個金菇肥牛卷，個牛肉味好出，同埋個金菇好爽，亦都以佢嘅價錢來講相當大份，有5件，東食嘅辣酒煮螺就相當辣，但係個酒味唔係好出。餃子雞翼入面嘅係明太子，其實都幾特別嘅，但我自己覺得普通雞翼會好食啲。至於個免治雞肉串同燒粟米就唔算好特別。