呢鋪又有灰燒燒烤又有日本刺身同天婦羅，好多選擇。
一坐低我地就叫左豬頸肉同和牛粒。因為自己燒既關係，可以按自己喜好去燒，加埋啲和牛自己既肉汁，真係超一流。
呢間鋪仲有好多海鮮比大家燒，青口、生蠔、蜆等等，啲海鮮好新鮮，我呢啲怕腥既都可以大啖大啖咁食。
我超鐘意呢間既牛油粟米，牛油同粟米比例啱啱好，最緊要既係佢用牛油好有牛油香，加埋啲粟米既甜真係不得了。
食燒肉點可以無啤酒架，呢間鋪都有啲酒比大家揀，又有白啤同清酒，連大吟釀都有，睇到嚇一跳。我就簡簡單單叫左杯白啤，一邊食燒肉一邊飲啤酒，人生一大享受。
等我下次再約朋友過黎搞下飯聚先
