影片
更多
2017-10-28
125 瀏覽
今晚4個女仔食放題，係又想火鍋又想瘋狂食到飽之下，我地揀左哩間餐廳。先講下等位先，因為係兩日前Book 左位，所以上到去都唔使點等，但位置係迫左啲啲，四個人，有一個位係僭建嘅。一坐埋位，侍應哥哥好風趣咁介紹點餐紙，其實全晚啲侍應嘅服務態度都唔錯，無黑面無愛理不理咁，係忙到不能嘅放題餐廳黎講真係算係咁。(我未試過一間放題係無漏單，等得耐仲肯幫我地Check 下啲野食有無漏，要等幾耐)餐廳會提供一張"首"字嘅刺身紙俾你，哩張紙嘅刺身會擺靚啲，俾食客手機先食(因為燈光有啲暗，影得好樣衰XDDD) 刺身都幾新鮮，帶子真係好正，但我地寫十粒，師傅只係俾三粒，所以我地要不停咁寫...然後有張紙可以揀海膽，生蠔定韓國雪條，一人只可以揀一份。我地全部揀晒海膽，海膽上枱個陣係用一個碗仔，裝住啲冰，上面有兩塊紫蘇葉，海膽份量有6行仔，無一板都有半板啦...唔腥唔苦，但又唔算得上係甜(即係無乜味咁囉，但以一餐唔貴嘅放題黎講係可以接受嘅)之後我地再係牛涮鍋同芝士部隊鍋之間揀左部隊鍋，個鍋都算多料嘅，有芝士腸，廚師腸，午餐肉，金菇，本菇同菜。(唔夠咪加火鍋料囉~~)其實我成餐最欣賞就係個部隊鍋湯底，所以我地全程
先講下等位先，因為係兩日前Book 左位，所以上到去都唔使點等，但位置係迫左啲啲，四個人，有一個位係僭建嘅。
一坐埋位，侍應哥哥好風趣咁介紹點餐紙，其實全晚啲侍應嘅服務態度都唔錯，無黑面無愛理不理咁，係忙到不能嘅放題餐廳黎講真係算係咁。(我未試過一間放題係無漏單，等得耐仲肯幫我地Check 下啲野食有無漏，要等幾耐)
餐廳會提供一張"首"字嘅刺身紙俾你，哩張紙嘅刺身會擺靚啲，俾食客手機先食(因為燈光有啲暗，影得好樣衰XDDD)
刺身都幾新鮮，帶子真係好正，但我地寫十粒，師傅只係俾三粒，所以我地要不停咁寫...
然後有張紙可以揀海膽，生蠔定韓國雪條，一人只可以揀一份。我地全部揀晒海膽，海膽上枱個陣係用一個碗仔，裝住啲冰，上面有兩塊紫蘇葉，海膽份量有6行仔，無一板都有半板啦...唔腥唔苦，但又唔算得上係甜(即係無乜味咁囉，但以一餐唔貴嘅放題黎講係可以接受嘅)
之後我地再係牛涮鍋同芝士部隊鍋之間揀左部隊鍋，個鍋都算多料嘅，有芝士腸，廚師腸，午餐肉，金菇，本菇同菜。(唔夠咪加火鍋料囉~~)其實我成餐最欣賞就係個部隊鍋湯底，所以我地全程無轉湯底，係咁加火鍋料落去就算，火鍋料入面個牛丸好食。
然後放題食品方面，我地叫左炸雞，我第一啖咬落去以為係吉列魚柳XDDD
炸鮮奶係用麵包包住奶漿，卷埋拎去炸，無咩味，但又唔係難食嘅
日式炸年糕，隊友話ok
一口牛，天婦羅同米紙蝦卷都唔差
最搞笑係炒雜菜同炒芽菜，完全係同一樣野黎 XDDD
人參雞湯就...賣相似味噌湯，但飲落只有淡淡人參香味...
沙律，芝麻雞翼，炒蜆，焗蠔都麻麻...
飲品選擇都多嘅。康x傅，健康x房，x地，韓國汽水...
然後因為得兩個鐘，我地只係狂風掃落葉咁塞啲野食落肚，唔係好記得嗌左啲咩，但總體黎講算係唔錯啦~值得再黎嘅~
張貼
