影片
更多
2023-06-22
205 瀏覽
公眾假期下午茶時間(16:30)，餐廳唔算多人，可能因為沙角商場太多食肆，競爭太大。我地一行二人嗌咗3個餐，分別係：魚生飯、壽司拼盤同埋叉燒拉麵。先講魚生飯：份量好足，賣相好靚！味道正常，對得住佢$49嘅價格；壽司拼盤($33)就差啲，明顯係雪咗一段時間，毫無新鮮味，只可醫肚不可談論味道；最後叉燒拉麵($35)反而有驚喜，佢個叉燒味道淋甜，而湯底有少少咸味，拉麵硬度啱啱好。每份下午茶都係配一杯熱飲/冰紅茶/味噌湯，我地嗌咗2杯熱奶茶同1杯冰紅茶，熱奶茶奶味唔夠；冰紅茶就係康師傅罐裝飲品。服務方面十分良好，侍應反應迅速、殷勤。環境方面亦算中上，四正闊落，相信就算多人嘅時間都唔會話坐得好逼gip。呢一類平民日式餐廳買少見少，大家行過不妨支持下~
我地一行二人嗌咗3個餐，分別係：魚生飯、壽司拼盤同埋叉燒拉麵。先講魚生飯：份量好足，賣相好靚！味道正常，對得住佢$49嘅價格；壽司拼盤($33)就差啲，明顯係雪咗一段時間，毫無新鮮味，只可醫肚不可談論味道；最後叉燒拉麵($35)反而有驚喜，佢個叉燒味道淋甜，而湯底有少少咸味，拉麵硬度啱啱好。每份下午茶都係配一杯熱飲/冰紅茶/味噌湯，我地嗌咗2杯熱奶茶同1杯冰紅茶，熱奶茶奶味唔夠；冰紅茶就係康師傅罐裝飲品。
服務方面十分良好，侍應反應迅速、殷勤。環境方面亦算中上，四正闊落，相信就算多人嘅時間都唔會話坐得好逼gip。
呢一類平民日式餐廳買少見少，大家行過不妨支持下~
張貼
