Chilli Lime (形點 I)

營業中

休息中

係元朗yoho行街街，行到咁上下肚餓仔，見到呢間餐廳好似幾靚仔，又坐得舒服，入去食下啦。好，坐低睇吓有咩好食先。雖然係多國菜，佢主打都係泰式料理。泰式柚子鮮蝦沙律，沙律好新鮮，柚子很甜，蝦都大大隻。炭燒香茅西冷牛肉，呢個重點推介，牛肉卷了數層，牛肉裏面粉紅色。左邊泰式甜酸辣醬，點米粉，生菜夾住米粉。右邊甜醬麻醬，點牛肉。我地試過將兩款醬交換，原來冇咁好食，証明廚師係精心度過味道配搭！青咖喱雞，有辣味又有香料味，雞件份量多。食咖哩一定配薄餅啦，呢個印度酥油薄餅烤到燶燶地夠香口，搣住黎點咖哩，正！馬拉盞通菜，係左咁多肉，炒番個菜，個菜炒得幾好，菜係翠綠色，個咸味又剛剛好。