翔壽司 (已結業)

今日自己一個人食飯， 又要做孤獨的美食家。 行過尖沙咀見到有一間叫翔壽司嘅餐廳。 咁自己就走咗入去食下，孤獨嘅美食家就係咩都要試， 入到去其實都已似我以前係日本食嘅壽司舖。我叫咗以下食品可以睇過以下點嘅圖。真鯛壽司： 呢個真鯛壽司，其實係我最愛食嘅壽司，因為佢嘅鮮味出眾，同埋我鍾意佢肉質都幾彈牙， 所以點埋啲豉油同wasabi 真係好似喺日本食壽司咁。深海池魚壽司： 肉質鮮甜同埋肉汁 爽口彈牙 幾新鮮。帶子壽司： 帶子其實個肉質都幾厚身，所以食落去都好有質感同埋鮮甜。仲有我叫咗啲卷物例如有鰻魚卷， 呢個鰻魚其實都幾甜美。 我覺得佢個鰻魚汁做得唔錯， 同埋包得幾實淨。 最緊要就係你食到個鰻魚係新鮮嘅。最後如果鍾意食壽司的朋友大家不妨試下呢間壽司店，因為我覺得有啲似在日本食嘅壽司同埋價錢都ok。 實屬難得!