老媽拌麵 (北角匯二期)

黎食台灣野，但唔想食炸野或者重口味既野，見到餐牌有清燉牛肉湯麵，就叫左碗試吓，始終唔係成日有清燉牛肉。

湯底清澈但唔淡，入口有牛骨香氣，飲落去暖笠笠又唔會膩。牛肉係切件牛腱，燉得夠腍但唔散，肉質有咬口，同湯底嘅香味好合襯。麵條掛湯力唔錯。成碗麵食落去唔會太飽滯，啱晒想食得清清地又有飽足感嘅日子。冬天黎食應該會更加好，呢個好啱暖下個胃。