龍鳳號 (已結業)

今天下午想食台灣菜，即刻上openrice 睇下有咩隱世小店選擇。見到哩間rating 頗高，便來試試。中午來到剛好有二人位不用等，十分好。裝修是走懷舊台灣風，座位是大排檔式的，少少密集。午餐都頗多選擇，有六款包湯和小菜，挺豐富的，飲品再另加錢。我和朋友都點了黃金香酥排骨餐，一個點了惹味肉燥乾拌麵，一個點了古早味肉燥飯，都是$68。湯品是粉葛湯，味道佳，但不夠熱。小菜是蒜蓉炒白菜，蒜蓉味足夠，但又係不太夠熱。炸排骨炸得香脆，不韌，肉質新鮮。肉燥麵有點太鹹，但味道ok, 肉燥飯不錯，好大碗。