同屋企人5個人行完朗豪坊去左上上拉面食晏!
首先黎左個酸辣湯鍋巴!
個湯不錯都好足料, 但略嫌唔夠辣~
鍋巴都幾有特色, 有D似米通。
(叫鍋巴抵過叫一碗)
之後黎左前菜~
1. 雞絲粉皮~ 好味!值得一試! 雖然份量唔多, 但係配料同花生醬味道都幾好!
2. 肴肉~點醋食更好味! 唔會太硬, 不錯!
到主菜~上海粗炒同炒年糕味道較濃, 咸左少少~
如果中意食濃味既朋友就唔錯~
小籠包係全個LUNCH既主角, 好味!
肉汁多, 皮薄, 夾起時候要小心會穿~
甜品就叫左豆沙鍋餅~
熱辣辣既豆沙溶!
