影片
更多
2009-02-26
7 瀏覽
多年未有到此酒店餐廳食自助餐，早幾曰22號慶祝週年，貪佢又有中西日式自助餐食又有燒烤，於是開車出發；當日無訂位而安排在外邊就座，環境濶落及舒適。仲有歌手唱歌，good餐廳內無論海鮮、沙律、熱盤、魚生、燒烤及甜品應有盡有，好多選擇，而且樣樣水準都唔錯及好味。我試過幾樣可以推介的有海鮮：淡水龍蝦及大頭蝦，新鮮及爽口。不過賴尿蝦就細隻咗啲，長腳蟹出完就無再出啦。沙律：多款芝士可試，味膿及creamy。仲有兩款用蘇皮包的吞拿魚巻，蘇皮脆內裏有吞拿及菠菜蓉，好食。熱食：豬牛雞魚樣樣有，不過記得睇睇伊麵，有龍蝦呀!!!刺身：新鮮ok啦。燒烤(正題)：要試燒鴨(皮脆不太油膩)、牛仔骨、燒雞翼、燒大蝦(大隻及新鮮)。不過喺外邊東菇亭，有幾樣記得都要試，包括燕窩雙皮奶(似焞蛋多啲)、扇貝(細隻咗少少)、天婦羅等。甜品：件件都細細，可以試多幾款，而且款式都好多選擇。因我鍾情"天拿咪素"和朱古力，所以主力嗰幾樣。黑森林一般，無酒味(依家好難食到)；至於"天拿咪素"，唔夠滑，不過都夠膿味和酒香。雪糕雖然係牛奶公司，但原杯上，好。總括來說，自助餐的食物樣樣齊，又有燒烤，埋單中銀咭仲有七折，有兩小時泊車優惠，當日
餐廳內無論海鮮、沙律、熱盤、魚生、燒烤及甜品應有盡有，好多選擇，而且樣樣水準都唔錯及好味。
我試過幾樣可以推介的有海鮮：淡水龍蝦及大頭蝦，新鮮及爽口。不過賴尿蝦就細隻咗啲，長腳蟹出完就無再出啦。
沙律：多款芝士可試，味膿及creamy。仲有兩款用蘇皮包的吞拿魚巻，蘇皮脆內裏有吞拿及菠菜蓉，好食。
熱食：豬牛雞魚樣樣有，不過記得睇睇伊麵，有龍蝦呀!!!
刺身：新鮮ok啦。
燒烤(正題)：要試燒鴨(皮脆不太油膩)、牛仔骨、燒雞翼、燒大蝦(大隻及新鮮)。不過喺外邊東菇亭，有幾樣記得都要試，包括燕窩雙皮奶(似焞蛋多啲)、扇貝(細隻咗少少)、天婦羅等。
甜品：件件都細細，可以試多幾款，而且款式都好多選擇。因我鍾情"天拿咪素"和朱古力，所以主力嗰幾樣。黑森林一般，無酒味(依家好難食到)；至於"天拿咪素"，唔夠滑，不過都夠膿味和酒香。雪糕雖然係牛奶公司，但原杯上，好。
總括來說，自助餐的食物樣樣齊，又有燒烤，埋單中銀咭仲有七折，有兩小時泊車優惠，當日可能假期，多咗侍應，加水及收碟都快，唔錯；可再一試。
張貼
