大勝丼 (已結業)

見早前多人推介呢間魚生飯，又見佢午餐堂食有88折就去試下。本身對香港魚生飯係無乜期望，過百蚊一個飯但係蔗渣咁嘅質素比比皆是。我地到達餐廳時間都叫早，所以好快有位。一入座就我叫左個魚生丼而友人叫左個咖哩豬扒飯。侍應生就俾碗味噌湯同茶我地飲，亦提醒我地味噌湯同飯係有得refill同埋餐點係即叫即做要等耐少少。味噌湯個味道唔算太濃同咸，唔錯。等左十幾分鐘左右佢就上到D飯，個魚生飯飯量唔算多，但係佢d魚生數量鋪滿左成個碗都令我幾意外，仲要d魚生都係幾新鮮，最驚喜係個海膽因爲香港好多日式料理嘅海膽都係唔新鮮同有腥味，但佢個海膽好食，百幾蚊有咁o既量同質素都叫抵。個咖喱豬扒飯塊豬扒係即炸所以比一般出面豬扒好食。所以日式料理黎講呢間都叫中上質素，可以再去。