Hong Kong Burger (榮發工業大廈) (已結業)

呢間漢堡包店隱身於九龍灣嘅工廈區，有好多款式比你揀，當日大概中午去食，已經有人打去叫定下午茶 ($38嘅mini burger) ，喺附近做嘢嘅朋友都可以考慮下😆我好鍾意菠蘿，所以叫咗BBQ手撕豬爆汁菠蘿漢堡包🤣近排食過好幾間漢堡包店，佢嘅麵包烘得唔算脆，不過啲牛油味又幾香，同埋有甜餐包嗰種鬆軟，個人覺得煎/焗多陣會更正🙈手撕豬嘅色澤比我預期淺，BBQ醬食落偏甜，加埋菠蘿汁就會更甜，所以比較濟，好彩有唔少生菜絲平衡下，豬肉肉質正常😉我覺得純粹係呢款醬汁選擇得唔太好，下次等tea time試下其他款式😝