見城日本料理 (已結業)

見城我响6-7年前幫襯過，印象覺得好普通。最近做緊個一個堆排行榜(銅鑼灣、尖沙咀區，壽司、拉麵、鐵板燒、燒肉、法國菜、西班牙菜等)，心中已有5甲，但覺得點都要試埋名牌老店如見城等，否則比人覺得好打極有限。於是又係搵埋我嘅鐵飯腳靚女友人C一齊嚟試，仲點都要訂响棉登徑嘅原店。坦白講，今次整呢堆排行榜已中伏多次。今次見城又係另一個例子。各自選咗自選壽司定食8件。明明冇叫瘦吞拿但比錯我😒，斡旋咗一陣最後終於換番細種吞拿魚。已經坐壽司吧枱但軍艦嚟到啲紫菜都腍咗大半。海膽應是北海道貨頗鮮，三文魚子鹹甜適中，海鰻魚唔係腍身少許彈，三款都唔錯但非同等價格中我吃過最好。半肥瘦吞拿魚當然唔夠肥拖羅咁肥美但冇渣冇血酸都算鮮味，細種吞拿魚比平時嘅赤身軟腍但味道差唔多。沙甸魚、木魚由肥至瘦好有魚味又軟腍，前者尤其有驚喜。睇錯咗左口魚係肥美左口裙邊😅，唔鍾意淡味/唔肥腴嘅魚，冇咩特別。壽司飯握得不錯，鬆軟度剛好，調味亦正常唔會過酸，普遍啲魚生比平時食嘅大少少厚少少。原本見到壽司紙上嘅冬瓜干卷勾起响鮨真第一次食嗰種驚為天人嘅清甜爽口感，但呢度好鹹好甜太重口味。蒸蛋只有蝦仔、冬菇、銀杏、蟹柳等普通材料，是滑溜但蛋味不