壹碗麵 (已結業)

尋日下午6點黎食，成間舖一個客都無，坐低叫野食到食完埋單，都係得我地一檯客，神奇。兩個人叫左個炸醬麵、蝴蝶腩麵、一個蘿蔔、一個魷魚柏葉同一隻酒浸蛋。麵係粗麵，闊身幾特別但味道一般。蝴蝶腩唔太奀入味ok，炸醬都唔錯。蘿蔔係比較出色，清甜又林，魷魚柏葉切到好細好幼，幾脆。隻蛋除左有少少酒味之外，蛋味唔濃，無乜驚喜。整體食物唔差但亦唔特出，如果住附近可以再黎，突登黎就無謂啦。