漢堡王 (已結業)

見市中心新開左burger king，諗住應該唔錯。今日同朋友去試下，好多學生去，可能係因為有學生餐。學生餐最貴都係25，at least 抵食過M記。我印象中未試過係屯市既M記見到外國人，但係第一次黎burgerking 就已經見到好幾個外國人。唔通burger king 對外國人黎講都係吸引過M記?我叫左一個雙層蘑菇芝士漢堡，比蘑菇芝士漢堡原來要貴10蚊，但係一打開原來都係好細個，唔值得我加10蚊去食佢。可樂又好多冰，加大左都係好快飲完。但係客觀d黎講，如果一般個d餐20幾蚊，真係會抵食過M記。薯條同包都好味d。個蘑菇芝士漢堡都有好濃芝士味，唔錯。不過如果要我用30幾蚊黎買呢個餐，我就寧願去MOS 好過啦。結論係，買平餐就夠。