村上鐵板日本料理 (已結業)

睇雜誌見有新放題開業,$138兩小時任食,咁平,咁就死lur爛lur平日唔食魚生既男朋友去,因為佢唔食生野,見有鐵板同其他野食,我地一於去試下,+上平呀嘛明明訂位話有虎蝦送,呃人坐正門口位,坐定左好凍。7點入坐唔算多人,之後慢慢愈來愈多,想調位都唔得。刺生,壽司好快送上,因為二人桌太細,擺唔得好多野食。叫左鐵板厚燒牛肉,幾好味,多汁唔太老。好食過金水n倍。簿燒牛肉畫左幾次紙都無,建議食鐵板燒肉點定多幾客(1客100g),因為等好耐。芝士蠔好離奇,一個殼有兩粒蠔仔肉,芝士多到成篤水咁,係未應該改名叫芝士浸蠔?天婦羅只係點左蝦同蕃薯,前者好味,炸漿唔厚。後者睇彩數,因為有d無蕃薯味。串燒叫左冬菇 , 水浸無渣乾咁,好淡。張紙仔仲有其他 : 翠肉瓜,雞翼,雞肉,雞軟骨,粟米,洋蔥,小蓄茄等。可惜無蝦..飲品都係不離罐裝,飲柚子蜜請先叫侍應少甜或拎定杯熱水,因為真係好似飲左杯糖水咁。