豬仔糖水 (已結業)

嘩！正！食綿綿冰唔駛等位。今日去咗試下大角咀豬仔呢間，入到店鋪見MENU有點失望，味道選擇唔夠多，只有4種，但好在配料選擇都唔少。我先點咗個慕黑冰山試試，其實就係朱古力味+咗D配料，但係配料裡面嘅脆脆杏仁米就一D都唔脆脆囉！不過整體都OK，朱古力味都夠。因為我勁鍾意食冰，所以再試埋佢另一個抹茶冰川，同樣都係包括埋配料在內，但我將佢個小丸子改咗椰果，同樣脆脆米都係唔脆，但抹茶味都好香，都唔錯！今日去到有班人起後面玩唔知咩嘢，好似去咗Cafe一樣，好嘈。Summary: 呢間鋪頭有榴槤味綿綿冰，愛食榴槤嘅要去試試。 綿綿冰Size較細，綿綿冰愛好者可能唔夠喉。 勝在唔駛等太奈，不過地點唔太就腳。 味道選擇唔夠多，有待改善。