雪園飯店 (已結業)

13.5.2008 星期二(隔左咁耐先醒起未寫,hee....)13號係亞媽牛一,於是一家人同埋公公婆婆,仲有五姨婆去食返餐。應該係7pm,都好淡下,得幾檯客仔。食左:1.火朣雞炖大排翅--要預訂,千七蚊一盎架大嫂!!! 好大煲呀~好多翅呀!!! 一梳梳咁架真係~絕不欺場! 不過相比起陶源的,我覺得陶源個雞煲翅好味d,湯o既味道又濃d! 不過哩煲都梗係好味啦,唔係千幾銀都唔好味呀?! 煲湯隻雞又係好好味,翅係粗身個隻,好爽口,不過對於我黎講就好難咬。2.清炒蝦仁--到底係咩蝦可以咁迷你呢? 一粒粒好爽口呢!3.素菜包--有木耳定雲耳晌裡面,普通4.什錦窩巴--哩個又係好大份,可惜原來窩巴配淡o既汁係唔好食o既。5.百葉津白--我都唔食菜o既,heehee...6.高力豆沙--一定係十隻咁叫,有冇搞錯呀,點食喎~~而且麻麻地咋!服務好好 ~~又係唔知食左幾多錢雪園網址：http://www.snow-garden.com/ch/(只係俾ok,因為覺得咁o既價錢,質素應該可以再好d)